المعتوهة فازت :)

فكرت وفكرت ثم فكرت وفكرت

شكتب عنه عقب الحوسة مالت الانتخابات

طلع ماعندي سالفة ولاعندي سوالف

بس خلأقرق واصابعي تكتب بلا شعوور

توهان على قولة ابن الديرة

رحت مع رفيجتي الفنار ننتعشى بالانتركووت

عمري ما اشتهيت خس كثر ما اشتهي خسهم

:)

المهم طوول عمري ادري النار غير

جدا راقي بزينته نوعا ما محلاته والأوادم اللي يتمشون فيه ماتشوفون ذيك القثقة والعالم والهلاقة بسنوس

بس يوم رحنا ذاك اليوم واللا ششوف

طاولات يبيعون فيها جناط تقليد وخواتم واكسسوارات فالصو

يا لهوي هذا بالفنار

بره سيديات تقليد

زلمات يتكلموون كويتي شسالفة؟؟

شباب ابوديات يتنبط من التعضل

بنات لبس اللم يا كافي ودي امشي بعصاة وأطقها

زبالة

المهم تمشي عالخليج اتلاقي العقد بسيارات مفتحة درايشها أغني عراقية وتصفق وشعور مدهنة

امبيه ليش

بنات كوود بسيارة حجابهم ومكياجهم طقة وحدة وعادة متان متقلقصين

بنية بسيارة نص شعرها برة علبو قذلة حمرة لون بطيخي لوعة واتعلج طقة علجها اسمعها وانابسيارتي

شابين خمة عبالهم اذا ركبو سيارة كشخة لازم نعطيهم ويه ويعصبون ويسوون حركات بالشارع ليش ليش مو قصب السالفة واخرتها تتطلع تأجير

رمّة

طوول ما انا بالأشارة بلوتوث اييني عاشق مشهد

الغاء الغاء الغاء

ياحمار افهم

البصل لاعب ابعقله

سؤالي

شنو اللي صار بالكويت؟

تعبت من طلعة وحدة مكان واحد مافتريت كلش

شبشوووف غير جذي بعد؟

تعبت جدا من طلعة وحدة

الواحد شيسوي يدور ابمحيطه ؟؟

بعد مي حالة هذي

بعد لو بكتب عن الافنيوز يبيلها 4 بوستات

our country is sick u know!!???

هممم مشكل والله

update:

3 votes ma3tooha

2 votes both

2 votes on election day

u have till tommorrow night to vote then i start garga
بوستي اليوم قرقة عالفاضي

واللي ملوش في القرقة مايقرقش معايا

تعبانة تعبانة تعبانة

أعيز أقوول تعبانة

علىوقفة وحدة من 6:30 الصبح الى 10 استغفر الله رحت الصلوات بس

والحمام مرة وحدة

جهاد جهاد

المهم عدت على خير 3 من اللي انتخبتهم انجحو واعتقد انه انجاز الحمدلله

بس كسرت خاطري سلوى

هارد لك على قولتهم

ولأسيل الدلوعة بعد هارد لك

مرتن لووخ راح تطلعين

امبيه

مانمت من كثر ما انا تعبانة

انام على ظهري أقول لأ لألأيعورني ظهري

انام على اليمين اتعورني ايدي

انام عاليسار جتفي يعورني

ولين شسوي

بقوم بروح الصالة اتون ريولي ومنملة ماقدر اوقف عليها

وليييييييييييييين

اش هالعبو

!!!!!!!!!!!!!!!!!!

ابتلشت ابعمري

بعدين عقبها مادري اشصار قمت عال10

الصبح ماكو احساس مغبشة عيوني ما اشوف عدل

أبي بدل انتخابات

بس يستاهلون اللي اشتغلت لهم

وفازو بحمدالله

الف مبرووووووك

انزين سؤال بلووق اليوم

هل ترديني يالقارئ العزيز اكتب عن يوم الانتخابات ام استمر بكتاباتي المعتوهة؟

الرجاء الاجابة بواحد من الاجوبة ومافي اختيارات

:)

شدو الهمة ياشباب

طبعا شي يحز في القلب لمن استفتح بوش الفئر دي

ولكن للظروف أحكام

اهما قالو انه لها صورة مع اللي ما يتسماش بس قالو خاشتها

يزاك الله خير يللي طلعت هالصورة

ولوا نا متأكدة انه الكل يدري وساكت واللي بينتخبها اساسا قبل لا يشوف الصورة

الحين زاد ايقانا فيها وهمن بيصوت لها

كفوكم منك لألها اسطفلو

لا والديانة مزودها حبتين شوفو الاغراء اللي على كتر قاطة الشيلة
اليوم يومنا يالكويتيين يالمحبين للكويت

اليوم اثبات للمنافقين والمتكوتين بانه الكويت بخير

اليوم يوم الحسم

نعم خليكون في أمل ولو ذرة انه الياي أحسن

انا دايما يدتي تقوللي لا تزعلين على اللي يروح ترى الياي أحسن

واحنا ناطرين الأحسن

اختي الناخبة

اليوم يومج لكي تثبتين لكل هالرجال الشاكين بقدراتنا

وهو يومج لتمارسين فيه الحق انج تقولين اللي تبينه بدون فرض وبدون أمر

اليوم يومج لتثبتين لهم انه صوتج لمن يستحق بنظرج من الندوات اللي حضرتيها شخصيا او بالتلفزيون

اليوم يوم المرأه اللي لوما أصواتها يطلع أو يطيح مرشح

نعم نحن القوة الأكبر في كل الدوائر

طوول عمرها المرأة تحتاجونها لكن ماتعترفون

هالشي ما يبيله توصية ولمن كلمة الحق لازم تنقال عشان لا أحاسب عليهايوم القيامة

صوتكم أمانة وتحاسبون عليه يوم القيامة

الورقة محد بيدري من انتخبت ومن صوتت له

اكتبو على الاسم اللي تعتقدون بأنه الأصلح الأفضل للبلد

لا تنتخبون راشي لا تنتخبون كاذب لا تنتخبون سكير لا تنتخبون سارق

بتقولون ما ننتخب احد اوكي حطوها فاضية او لشخص واحد تعتقد انه الافضل

الكويت مو لعبة ابايد هالناس كل فقير يبي يستغني واللا كل غني يبي يكوش عالمناقصات

ولا اهي لعبة لمن اراد انيسن قوانينه الخاصة ولا هي لمن أراد انهاء معاملاته الخاصة

تكفوون نخيتكم خلو صوتكم للكويت

لا لقبيلة ولا طائفة ولا لعائلة

خلكم للكويت مع الكويت